LOOTI HUI DAULAT KI WAPSI!!!!!!!!!!!!!!!!!!!!

100 ارب یا ٥٠٠ ارب ڈالر -بلی کے گلے میں گھنٹی بندھے کا کون ؟

روزنامہ جنگ میں محترم نذیر ناجی کا ملک سے لوٹی گئی بیرون ملک  میں رکھی گئی ناجائز دولت کےبارے میں لکھا گیا 8 اکتوبر

کا کالم اور جناب حسن نثار کا 9 اکتوبر کا کالم بہت بر وقت ہے جس پر پاکستان کے عوام اور خواص دونوں کو ایک نئی جد و جہد

کے لئے خود کو تیار کرنا چاہیے -  

دنیا بھر کے غریب عوام کے لئے شاید ایک موہوم سی امید پیدا ہوئی ہے کہ انکے کرپٹ فوجی اور سول حکمرانوں اور انکے چیلوں 

کی لوٹ مار کی ہوئی دولت جو یوں تو دنیا کے بہت سارے دوسرے ممالک میں بھی لے جائی گئی ہے مگر اس کا سب سے بڑا حصہ سوئس  بنکوں میں ہے اسکی واپسی کے امکانات نظر آ رہے ہیں - موہوم اس لئے کہ سوئس بنکوں سے معاملات حکومتی سطح پر اگرطے کئے جاسکیں تب ہی اس لوٹ مار کی دولت کی واپسی ہو سکتی ہے-

یہاں  سب سے بڑا سوال یہ ہے کہ جب تک پاکستان میں وہی لوگ طاقت کا سرچشمہ رہیں گے جو اس لوٹ مار کے اصل ذمہ دار ہے اس وقت تک کس کی مجال ہے جو وہ اس موضوع پر کوئی عملی قدم اٹھا سکے - ہمارے سامنے ان گنت مثالیں موجود ہے جب تمام لٹیروں ،رشوت خوروں ،اور مجرموں کو باقاعدہ طاقت کے ایوانوں سے ہر قسم کی سہولت ،مدد اور سرکاری سرپرستی ملی اور انکے خلاف سارے مقدمات دھرے کے دھرے رہ گئے مثال کے طور :

* آصف زرداری کے خلاف کیسز ، میں برادرز کے تمام کیسز 

* یوسف رضا گیلانی ،انکی زوجہ اور انکے بیٹے کے خلاف کیسز 

* اسٹیل مل کے تمام معاملات جس میں تمام بڑی شخصیات کو کھلی چھٹی  دے دی گیئ 

* حج اسکینڈل کے معاملات ،

* پنجاب بنک فراڈ کیسز،چودھریوں کے معاملات  

*مخدوم امین فہیم کے خلاف کیس کی عدم پیروی 

*رحمان ملک ،ریاض شیخ ، عدنان خواجہ ،کے کیسز 

غرض یہ کہ ہمیں اس خوش فہمی میں نہیں رہنا چاہیے کہ موجودہ سول اور فوجی طاقت کے مراکز اس ضمن میں کوئی عملی کاروائی کرسکتے ہیں یا کچھ کرنے کا سوچ بھی سکتے ہیں - ظاہر ہے اپنے پاؤں پر کلہاڑی کون مارے گا ؟ ؟ ؟ ؟ ؟ ؟ ؟ 

کیا   ہماری میڈیا ،وکلاء ،سول سو سائٹی وغیرہ مل کر یہ مہم چلا سکتے ہیں جو ملک کے اصل حکمرانوں کو مجبور کردے 

کہ وہ اس معاملے کو سوئیس بنکوں کے ساتھ اٹھا یا جائے اور ملک کی لوٹی گیئ دولت کو واپس لیا جائے- محمد علی درانی 

کی   سپریم کورٹ میں داخل کی گیئ درخوست کا فیصلہ بھی دیگر سیاسی فیصلوں کی طرح ہوگا اگر عوام ان اقدامات کے 

لئے اپنی بھر پور طاقت کا استمال نہیں کریں گے - اس مہم کی شروعات ہماری میڈیا ہی کر سکتی ہے -

وکلا تحریک کی طرح اگر کوئی عوامی تحریک ہماری میڈیا اس بار بھی شروع کرنے میں عوام و خواص کی رہبری کرے 

تو بعض سیاسی  جماعتیں جیسے متحدہ ،تحریک انصاف ،جماعت اسلامی وغیرہ  یقیناً اس معاملے میں بڑھ چڑھ کر سامنے  

ہونگے اور پھر ..............لوگ ساتھ آتے جائیں گے اور کارواں بن جاۓ گا ------------------------ 

کراچی کا مسئلہ .....ازخود نوٹس اور سپریم کورٹ کا فیصلہ

کراچی کا مسئلہ .....ازخود نوٹس اور سپریم کورٹ کا فیصلہ

بے سائباں ہے شہر یہ میرا یتیم ہے                

                                انبار مسئلوں کا جبھی تو عظیم ہے 

وہی ہوا جو ہونا تھا- مظلوم عوام کو ایک بار پھر بہلا دیا گیا ہے - ان سب خوش فہموں کی امیدوں پر پانی پھر گیا 

جو پاکستان کے ایک سنگین ترین مسئلے پر( کم از کم اب جب کہ آزاد عدلیہ کا بہت ڈھنڈورہ پیٹا جا رہا ہے)سپریم 

کورٹ سے یہ امید کر رہے تھے کہ وہ کوئی نہ کوئی ایسا عمل اپنے فیصلے کے تحت سامنے لا ئے گی جس میں 

ہزارہا معصوم جانوں کے کچھ ذمے داروں کو ابتدائی طور پر سزا ملتی نظر آ ئے گی -

 مگرسپریم کورٹ نے اس سنگین مسئلے پر یقینی طور پر اپنا فیصلہ نہیں دیا ہے بلکہ صرف اپنا مشاہدہ پیش

کرکے ایک بار پھر گیند حکومت کے کورٹ میں ڈال دی ہے - خدا کرے کے سپریم کورٹ کے اس فیصلے

کے نتائج ویسے نہ ہوں جیسے کہ چینی  42 روپے فی کلو بچنے کے حکم  کے معاملے میں عدلیہ کے

فیصلے کی شوگر مافیا نے دھجیاں بکھیری تھیں اور عوام کو عدلیہ کے اس فیصلے کی سزا چینی کی قیمت

١٠٠ روپے فی کلو تک بھی ادا کرنی پڑی تھی -سپریم کورٹ کا یہ فیصلہ بھی بظاھر ایک سیاسی فیصلہ نظر

آتا ہے جو  لیپا پوتی کے ضمن میں تو آسکتا ہے مگر انصاف کی فراہمی کے ضمن میں صفر کے ضمن میں

آ ئے گا - 

اس بار بھی یہی کچھ ہوگا موجودہ حکومت اور اس سے وابستہ و پیوستہ ان گنت مافیا ئیں پھر شیر ہو جائیں

گی اور ایک بار پھر کراچی کے باسیوں کو چنگیز خانیت کا سامنا کرنا پڑے گا - سپریم کورٹ کے آزاد ہونے

کا شہرہ اسکے گزشتہ اور موجودہ  تمام فیصلوں کی روشنی میں صرف ایک داستان ہی ہے اور بس -- جیسے 

جسٹس  جاوید اقبال نے اپنے ریٹائرمنٹ کے مو قعے پرحکومت کے سپریم کورٹ کے احکامات نہ ماننے کی 

روش  کا دفاع کیا تھا --------------

کراچی کا مسئلہ کبھی حل نہ ہوگا          نہ کل یہ ہوا ہے  کسی کل نہ ہوگا 

یونہی قتل و غارت رہے گی ہمیشہ         یونہی   خون بہتا   رہے گا  ہمیشہ 

یہ لفا ظیاں یونہی چلتی   رہیں گی         ہزاروں ہی لا شیں بھی گرتی رہیں گی

وڈیروں کا قبضہ بھی بڑھتا رہے گا         غریبوں کا حصہ سکڑتا رہے گا              

....................................................         ........................................................

صحافت

                        صحافت 

صحافت کی اگرتاریخ لکھی جاۓ گی   

                                     خود صحافت دیکھتی رہ جاۓ گی

اپنا  چہرہ آئینے     میں   دیکھ     کر      

                                   شرم سے گردن جھکی رہ جاۓ گی 

بیچ   ڈالی   ہیں  قلم    کی     حرمتیں        

                                 مارکیٹ میں کتنی مندی   آے    گی

بے    ضمیری   کا سفر جاری رہے          

                                 اچھی قیمت بھی کبھی لگ جاۓ گی 

ناچتی        ہے      برہنہ اوطاق میں            

                                  کتنی پستی میں صحافت   جاۓ گی

ریڈیو  ٹی  وی   ہو  یا  اخبار   ہو

                                   فاتحہ سب کی پڑھائی جاۓ   گی 

SURAH FATEHA KA HINDI TARJUMAH/INDIAN NATIONAL ANTHEM IN URDU

انا للله و انا علیہ راجعون

           انا للله و انا علیہ راجعون

بے حس قوم ، کرپٹ سیاست دانوں ، بے توقیر اور بیکار اسمبلیوں و سنیٹ، بیمار عدلیہ کے مردہ ضمیر 

پر حکومت وقت کا ایک اور تازیانہ ............بد نام زمانہ واجد درانی پہلے تو اپنی سابقہ خدمات کے صلے

میں آئ جی سندھ بنا ئے گئے اور اب انکو آئ بی کا سربراہ بھی بنا دیا گیا ....حکومت وقت کے سرپرستوں 

کو آخر کب خیال آ ئے گا کہ وطن عزیز پہلے ہی انتہائی مشکلات کا شکار ہے جسکا ایک سبب تو پی پی پی 

بذات خود ہے جسکے پاس سوا ئے کرپٹ اورنااہل لوگوں کے کچھ اور نہیں ہے اور دوسرا بڑا سبب پی پی پی 

کے سرپرست ہیں جنہوں نے گزشتہ انتخابات میں بوجوہ  پی پی پی کوحسب روایات ایک مخصوص دائرہ اختیار

 میں کھل کھیلنے کا موقع دیا تھا - شاید اس میں سرپرستوں کا وہی پرانا طریقہ واردات برسرعمل تھا کہ جب انکے

 لئے پانی سر سے اونچا ہو جا ئے تو اپنے پالتو سیاست دانوں کو آگے کرکے انکو بھی جوتے کھلوانے کی حد تک

 لے جایا جا ئے  تاکہ جب سرپرست خود آ ئیں تو یہ بھولی بھالی اور بے حس قوم انکا پر جوش استقبال کریں -  

 جمہوریت کے نام پر مرکزی اور صوبائی  حکومتیں اپنی اپنی حسب توفیق پاکستان کو کھوکھلا کر چکی ہیں- غریب 

تو  بھوکا مردار ہو چکا ہے ،مڈل کلاس غریب کلاس میں آچکی ہے ، اپر مڈل کلاس بھی غربت کے نشان کو چھو

رہی ہے - سیاست دان اور انکے سرپرست کروڑ پتی سے ارب پتی اور ارب پتی سے کھرب پتی بن رہے ہیں -

           اب بھی نہ اگرجاگے تا حشر تو پھرسونا        یہ حشر بھی دنیا سے پہلے ہی بپا ہوگا 

           دیکھے گی تماشا یہ دنیا تو مزے لے گی      تب خون کے آنسو ہی قسمت کا لکھا ہوگا   

NAYA TARANAH

آؤ ہم   سب مل جل کر ایک   نیا ترانہ گائیں

پاکستان ہے ہم سے ہم سب پاکستاں بن جائیں 

تعمیر نو چودھری کاظم حسین

                                تعمیر نو

                          چودھری کاظم حسین 

دستور  بنانا     ہے   ہمیں    ایک   نیا   اور 

اسطرح کہ ٹھکرا نہ سکے اس کو کوئی دور 

طاقت  ہو  سپر اسکی    تو   بنیاد     دیانت 

 آئینے     کے   مانند   ہو    آئین  بہر طور 

                      مرکز  ہو  امین  و  نگران  ضابطہ   کل 

                     تعمیل    فرایض   ہو   بلا عذر   و  تامل

                    آئین    کی    پابندی  ہو  عمال   پہ  لازم 

                   تا آ نہ سکے کوئی کسی کے   بھی  مقابل 

قانون کی رو سے ہو اولی الاَمر معظّم

مختار و مجاز عزل و نسب صدر ہو دائم 

ہر صدر کو حق ہو کہ چنے اپنے اراکین 

مرکز میں دوئی کا نہ رہے شائبہ پیہم 

                اک عدلیہ ملک   کی تاسیس    بھی کی  جاتے 

                حاوی ہو جو کل ملک پہ تخصیص یہ کی جاتے

                ہر   فیصلہ  اسکا  ہو  اٹل    حکم   ہو  ناطق 

              قانون کی رو سے ہو یہ تعدیل بھی   کی   جاتے 

دستور    بنانے کا  سوال   کون  اٹھاۓ 

ظاہر ہے بہت  اہم -  بگاڑے   کہ   بناۓ

دستور   ازل  فطرت  انساں  کے   مطابق 

اس عقدے کا حل مسلک شوری پہ کیا جاتے 

                    ہو   رائے شماری کا اصول اصل نیابت 

                   آزاد ہو جمہور    چنے     بحر  وساطت 

                   جو شخص  بھی ہو کثرت آرا سے مرجح 

                  ایوان   نیابت  کا    وہی   رکن    جماعت

ارکان  یہ سب مل کے   بنیں وا ضے  قانون 

دفعات و ضمن شرح و بیاں مقصد و مضمون

ہر  رد  و قدح  بحث و جرح  لازم و ملزوم 

تا پختہ  شود  درجہ  بدرجہ   ہمہ    معجون

                    بنیاد  صحیح    پڑگئی  ایکبار   تو  دستور

                    پائیگا  رہ راست  تو ہو جائیںگے  دن  دور 

                    یہ سب تو جبھی    ہوگا جب ارکان کمیشن 

                    محسوس کریں اپنے فرایض کو بھی بھرپور 

                            

MUNAFQAT KI INTIHA? -HAROON RASHEED

ہارون صاحب

 قلم کی آبرو کا کچھ تو خیال کریں -الله جانے وہ وقت کب آ ئےگا  جب ہمارے جغادری قلم کار سچ لکھیں گے اور سچ 

کے سوا کچھ نہیں لکھیں گے - 

پاکستان کو تباہ اور برباد کرنے میں یوں تو غلام محمد، میجر جنرل اسکندر مرزا ، فیلڈ مارشل ایوب خان ، یحییٰ خان،

بھٹو ( باپ بیٹی دونوں )، نواز شریف سمیت سب کا ہاتھ ہے مگر ضیاء الحق کا نام تو تین سب سے بڑے ذمہ داروں میں 

میں آتا ہے - میں وہ وقت کبھی نہیں بھول سکتا جب میں نے مختلف جگہوں پرپارک اور اسٹیڈیم کی چہار دیواری پر جلی 

حروف میں یہ لکھا دیکھا تھا :

"رئیس المنافقین امیرالشیاطین جنرل ضیاء الحق "  

ذاتی طور پر میرے لئے یہ بڑے شرم اور افسوس کا مقام تھا کہ کسی بھی مرنے والے شخص کو اس طرح یاد کیا جائے 

مگر شاید لاشعوری طور پر میں بھی اس وقت اس تحریر کو "حق بہ حقدار رسید" ہی سمجھا تھا - 

الطاف حسین

      الطاف حسین

 سنتےرہے ضمیرفروشوں کی داستان  مدّت کے  بعد  سایہ  اسلاف مل گیا 

چالیس  سال دور یتیمی  کے کاٹ کر  قحط الرجال میں ہمیں الطاف مل گیا 

                                                                            ( 1988)           

                                  

                                               محمد اسلم شہاب 

' ضرورت ہے '

(یہ ایک بہت پرانی تحریر ہے جسکی افادیت آج بھی اتنی ہی ہے جتنی کہ پہلے دن تھی( - 

اس نظم میں ان سولہ شخصیا  ت کی طرف اشارہ ہے جنھوں نے 

اس پاک سر زمین  کو کینسر زدہ کرکے کھوکھلا کرنے میں نمایاں کردار ادا کیا ہے - یہ سب کیا قومی مجرم  قومی مجرم نہیں ہیں ؟- ویسے تو آپکوپڑھ کرخود ہی اندازہ  ہوجاۓ !!!!

١.قائم علی شاہ      ٢. میاں نواز شریف   ٣. جنرل نصیرالله بابر  ٤. جنرل نصیر اختر ٥. شعیب سڈل   ٦. بینظیر بھٹو  ٧. قاضی حسین احمد  ٨. شیخ رشید احمد ٩.چودھری نثار علی   ١٠. عابدہ حسین  ١١. ذوا لفقار علی بھٹو ١٢. گوہر ایوب  ١٣.چودھری ظہور الہی 

١٤. اظہر سہیل ١٥.خلیل ملک ١٦. مشاہد حسین 

   ' ضرورت ہے '

ہماری پارٹی  کو ایسے  لوگوں کی ضرورت  ہے 

               کہ جن کے  پاس لفظوں  کا ذخیرہ  خوبصورت  ہے 

جو لفاظی میں یکتا ہوں جو بدمعاشی کے ماہر ہوں  

              بڑے ہی پیار سے  جو سب کو پرچائیں وہ ساحر ہوں 

بلند و بانگ دعووں سے مسائل حال کریں   سارے

             کہ جنکی ذاتی جیلوں میں پڑے ہوں قرض کے مارے 

کراچی  کو فقط  چھ  ماہ   میں  پیرس    بنا ڈالیں 

             فقیری کے سبھی  کشکول  بھی  وہ  سب  مٹا    ڈالیں 

جو اپنی ذات میں خود چلی پھرتی اک عدالت ہو 

            عدالت سے پرے کچھ  قتل  و غارت  میں مہارت   ہو 

بڑے ماہر ہوں جو اس قوم کو چیرا لگانے میں 

               وہ ساحر ہوں ہر اک مرڈر کو انکاونٹر  بنانے میں 

جوانوں کی اسلام آباد   میں قبریں   بنا تے   ہوں  

              یہاں حق مانگنے والوں کی نسلیں  تک  مٹاتے  ہوں

بڑے دلکش سے نعرے روز ہی ایجاد کرتے ہوں

             فقط  نعروں سے   وہ زردار کو برباد   کرتے   ہوں 

الگ یہ بات ہے دو دن میں تلوے چاٹنے پونھچیں 

            اسی  سرماۓ میں   پھر اپنا حصہ   بانٹنے   پونھچیں 

بڑی جاگیر ہو جن کی بڑی سی اک حویلی ہو 

           ہری  کالی   ہو نیلی   ہو بھلے وہ   "لال حویلی "  ہو 

بنے ہوں بادشاہ ہندی کے جو اپنی مہارت سے 

         رنگیلا شیخ  کہتی ہو  جنہیں   پبلک   شرارت     سے 

کسی کا بھائی جنرل ہو کسی کا باپ  کرنل ہو 

           کوئی بیٹا ہو منہ بولا  کے  ڈیڈی    فیلڈ مارشل   ہو 

کوئی  ٹوکے بناتا ہو کسی جنرل کے سائے میں

            پچاسوں   مل لگاتا ہو اسی جنرل  کے سائے   میں 

محض لفاظیوں کے بل پہ جو کشکول توڑیں وہ 

           وہی  کشکول لیکر بعد ازاں دنیا  میں   دوڑیں    وہ 

بنا پیسے  کے  صنعت کا ر بنے کا  قرینہ  ہو 

             اسی پیسے کی  خاطر جس کا مرنا  اور جینا   ہو

سپاہی  کی جو تنخواہ لے کے جاگیریں بناتا ہو 

             بہت سے کارخانے اور شوگر کی  مل  لگاتا   ہو

کوئی  فاتح ہو ایسا جو  محلے  فتح  کرتا  ہو

           وہ    پھر مقتول پر ہی  قتل   کا الزام  دھرتا    ہو 

مخالف کو جنہیں چیرا لگانے میں مہارت ہو 

           تقدس سارے ہی  پامال  کرنے  میں مہارت    ہو 

جو سارے میڈیا کواپنا   ایچ ام  وی  بناتے  ہوں

         اوران ذریعوں میں وہ شیطان کو مومن دکھاتے ہوں 

وہ نائر کو جو نیّر کہہ  کے انٹرویو کراتے  ہوں 

         وطن  کو اس طرح پابندیوں کی  زد میں لاتے ہوں 

کبھی کرسی جو چھن جاتے تو بھارت بھاگ جاتے ہوں 

      انہی کے ٹینکوں پربیٹھ کرآنے کا مژدہ بھی سناتے ہوں

جو  اپنے دوستوں کی پیٹھ میں      خنجر اتاریں    وہ 

        سپہ سالار  کا  طیارہ  بھارت   میں    اتاریں       وہ 

رجوع   ہم سے کریں فوری   اگر کچھ   قابلیت   ہو 

        اور اس کو کیش   کرنے کی بڑی  شدت  سے نیت ہو

ہماری  پارٹی کے سب جگہ ذیلی دفاتر   ہیں 

           یقین  کیجے کہ  یہ سب آپکی خدمت کی خاطر ہیں 

          جماعت  ہو جمیعت ہو یا  پی  پی  پی   کا دفتر  ہو 

          وہ مسلم لیگ ہو ملّت ہو کے این پی پی کا چکر ہو 

            ہماری پارٹی  کی ملک میں سا ری یہ شاخیں ہیں 

          جو ہم میں سے نہیں  اسکے مقدر میں سلاخیں ہیں 

                                                                                   

                                                                                                                                   

MAIN KAUN HOON

              میں کون ہوں

کبھی پیروں کے دستر خوان پر میں روٹیاں توڑوں 

                    کبھی میروں کا میں دربان بن کر مال و زر توڑوں 

وزیروں کی کبھی دہلیز پر   میں اپنا سر پھوڑوں 

                    وڈیروں کے  لئے  بھی  باخدا ایمان  تک  چھوڑوں

مجھے جس درسےراتب مل رہاہواسکا در پکڑوں 

                    کسی وی آئ پی کی دم بناکر خود کو میں   اکڑوں 

میں اپنی چاپلوسی سے سیاستداں کو یوں   جکڑوں 

                     نکل پاۓ نہ میرے جال سے میں اسکو یوں رگڑوں  

مہ و انجم  کبھی میں  ایک ذرے   کو    بنا ڈالوں 

                     کبھی اس مشت خاک پا  کو  سورج  بھی  بنا  ڈالوں

بہت طاقت ہے میرے ہاتھ میں کیا کیا نہ کرڈالوں 

                     غلط کردوں صحیح کو اور سچ کو جھوٹ کر ڈالوں

بڑا فنکار ہوں فن میرا   ہاتھوں ہاتھ   بکتا   ہے 

                       مرا لکھا   ہوا ہر لفظ  اب   ہیروں  میں  تلتا  ہے 

سیاست کے ہرایک میداں میں میراراج چلتا ہے 

                        صحافت میں بھی اب میرا قلم ہی راج  کرتا  ہے 

کہیں پرمیں صحافی ہوں کہیں پرمیں سیاسی ہوں

                      کبھی بیوروکریسی کے قلعے کی اینٹ اساسی ہوں

بہت  سے نام ہیں میرے مگر بس ایک چہرہ ہے 

                     سیاست کے ہر اک میداں میں یہ اک شاہ مہرہ ہے 

یہ فیصل ،شیرپاؤ ،شیرافگن ،اور شجاعت  ہیں 

                    ملک قیوم،  درانی،   وصی،   محو  اطاعت   ہیں

مشاہد ،اور طارق ،  پیرزادہ ، قاضی و ارباب 

                 نہ کیوں"پرویزیت " پھیلے جہاں پر ایسے ہوں اسباب 

کبھی  اعوان و مرزا اور ملک رحمان   ہوجاؤں                   

                   کبھی فردوس و اشرف اور کھوسہ میں نظر آؤں 

کبھی قائم  کبھی منظور ، مولا بخش  بن   جاؤں    

                      کہیں فیصل کہیں مرزا و شرمیلا  میں    کہلاؤں 

جب اپنی چاپلوسی سے بڑے عہدے بھی میں پاؤں

                    نہ کیوں "زرداریت" میں دین و ایماں اپنا میں پاؤں 

نہ کیوں"ہارون" و"عباسی" کی صورت میں نظرآؤں  

                     "نجم سیٹھی" بنوں میں اور حامد   میر ہو جاؤں 

کہیں"عرفان" کا دعویٰ کروں میں عقل کل  بن کر  

              کبھی ہو"کشف" مجھ کواپنی "ایجنسیز" سے چن چن کر

کوئی نامہ لکھوں میں خود کو"شاہد" مان کرایسے  

                     میں چشم دید ہوں ہر وا قعے    کا   وہ ہوا کیسے 

مرا لیڈر"نوازے"  گا مجھے   ہر چاپلوسی  پر  

                    توپھرکیوں نہ کروں خود کو"نثار"اب ایسے لیڈرپر  

"ثنا "کیوں نہ کروں میں اسکی جوصوبےکامالک ہو  

                      وزیر داخلہ   مجھ کو   بنادے   ایسا   سالک  ہو   

         ذرا  نظریں گھمائیں  دیکھ  لیں  اطراف  میں اپنے

         وہی بس ایک چہرہ ہےہزاروں جس کے ہیں سپنے 

TORTURE CELL FOUND IN KARACHI?

With reference to the news item "50 HELD, TORTURE CELL FOUND IN KARACHI" in KT dt.9th August 2011 filed 

by your Karachi correspondent Rehan Siddiqui, wherein he said " ..........unearthed a torture cell in Yousuf Plaza".

"This is the third torture cell found by Rangers since..............." and so on.

I would like to point out that the news about "third torture cell"  has been pulished in Pakistani newspaper "Jang" 

in a different way i.e "  Rangers had raided a vacant appartment which was reportedly used as torture cell, but this

could not be confirmed........" . I have checked the other newspapers also but there was no mention of confirmed 

unearthing of any such "third torture cell at Yousuf Plaza". I would like the Editor KT  to ask your correspondent to

reconfirm this part of the news and refrain from filing any more unconfirmed news items.

Mohammad Aslam Shahab

Sharjah - UAE

یہ کیسی صحافت ہے ؟؟؟؟؟؟

یہ کیسی صحافت ہے ؟؟؟؟؟؟

محترمین  حامد میر، انصار عباسی ،عبد المالک  صاحبان ذیشان 

کل رات ( ٩.٩.٢٠١١ ) آپکے پروگرام میں ایک بار پھر وہی "میں نہ مانوں "  کی تکرار دیکھ کر بہت کوفت ہوئی -

جس طرح پاکستان کے اصل حکمران تو جی ایچ کیو میں بیٹھے ھوئے جنرلز ہیں  اسی طرح ہماری میڈیا کے مالکان ،

 ایڈیٹرز، کالمسٹ وغیرہ سب ہی اپنے آپ کو حرف آخر سمجھتے ہیں - ہمیشہ کی طرح کل کی الطاف حسین کی پریس

 کانفرنس پر جس طرح آپ حضرات کی تنقید اور تبصرے ھوئے ہیں اور جس طرح کی باتیں خاص طور عبدالمالک 

صاحب  نے کی ہیں ان سے آپ لوگوں کی حقیقت پسندی اور غیر جانبداری کا پول کھل جاتا ہے علاوہ ازیں جس طرح 

حامد  میر صاحب زاہد خان پر غصہ ھوئے اور انکو بری  ڈانٹا وہ کسی طرح بھی جائز قرار نہیں دیا جا سکتا -

 برادران عزیز الله کے واسطے بحیثیت صحافی اپنی ذمہ داریاں ،اپنے فرائض ایک صحافی کے طور پر ادا کریں

 اپنے آپ کو اقلیم صحافت کے شہنشاہ اور شہزادے سمجھنا چھوڑ دیں- 

حامد میر صاحب اپنا غصہ دکھا کر پتہ نہیں کیا ثابت کرنا چاہتے ہیں ارے بھائ یہی بات آپ مہذب طریقے سے بھی کہہ 

سکتے تھے - اور الطاف حسین کی کسی اینکر پر تنقید جو ایم کیو ایم کی کراچی کی نمائیندگی کی حیثیت کو کم کرنے کی 

کی بات کر رہے تھے  کے جواب میں " دودھ  کے دھلے " عبدالمالک صاحب کا یہ رویہ کہ "اب آپ لوگ ہمیں بتائنگے

 کہ ہمیں کیا کرنا ہے " صحافتی فرعونیت کہلائے گا - پاکستان کی تاریخ گواہ ہے کہ وڈیرہ شاہی کے بعد صحافی ہی وہ 

تیسری  طاقت ہیں جنہوں نے ہمیشہ قابض طاقت کی کاسہ لیسی کی - آج بھی صحافیوں کی اکثریت کسی نہ کسی ذاتی 

ایجنڈے کے تحت کام کرتی ہے - صحافت آج بظاھر آزاد نظر آتی ہے مگر در حقیقت یہ پہلے کے مقابلے میں زیادہ 

پابند ہے  حکومت کی طرف سے نہیں بلکہ اپنے اپنے ذاتی ایجنڈے کی وجہ سے -

  

مصطفیٰ کمال اور میڈیا

مصطفیٰ کمال اور میڈیا 

محترم  حامد میر ،انصارعباسی و عبد المالک صاحبان 

حسب روایت آپ کا پروگرام کیپٹل ٹاک مورخہ 7 ستمبر دیکھ کر ملے جلے تاثرات تھے -یہ حقیقت ہے 

کے اس قسم کا کوئی بھی پروگرام  تمام ناظرین کو بیک وقت مطمئن نہیں کرسکتا ساتھ ہی یہ بھی افسوس

ناک حقیقت ہے کہ پاکستان کا کوئی بھی صحافی "آزاد "ہونے کا دعویٰ نہیں کرسکتا - ہر صحافی کا "مختلف  

وجوہ" سے اپنا ایک انفرادی ایجنڈا ہے جس کے حساب سے وہ اپنی پیشہ ورانہ ذمہ داری کو اس معاشرے 

میں ذاتی مقاصد کے خانے میں اس طرح فٹ کرتا ہے کہ :  رند کے رند رہے ہاتھ سے جنت نہ گئی 

مصطفیٰ کمال نے اپنی پریس کانفرنس میں میڈیا سے جو شکوہ کیا ہے وہ نہ صرف جائز ہے بلکہ شکووں 

کے آئس برگ کا ایک چھوٹا سا ٹکڑا ہے - یوں تو صحافیوں کی اس روش پر پورا ایک تھیسس لکھا جا سکتا 

مگر فی الحال صرف چند نکات ہی کافی ہیں :

 ذوالفقار مرزا کے ہذیان(جو انکی اپنی پارٹی اور دوسری طاقتیں مسترد کرچکی ہیں ) کے ان تمام نکات کو 

میڈیا بہت اہمیت دے رہی ہے جو ایم کیو ایم کے خلاف محض بہتان  ہیں مگر ان کے ہذیان کے جن نکات پر خود  

انکے خلاف تحقیق ہونی چاہیے انکو سراسر نظر انداز کیا جا رہا ہے

- مثال کے طور پر سرکاری دستاویز انکے پاس کیوں ہیں جنہیں وہ ذاتی حیثیت میں استعمال کر رہے ہیں -

- کراچی پولیس میں بھرتی دس ہزار افراد کس قانونی اختیارات کے تحت صرف سندھ دیہی سے بھرتی کئے گئے-

- اسلحے کے تین لاکھ لائسنس کس بنیاد پر جاری کئے اور انکے استعمال کے بارے میں اشارے -

- کراچی پولیس میں مقامی افراد کی تعداد کتنی ہے ، آئ جی سندھ اور دیگراعلیٰ پولیس افسران کی تقرری(خاص

  طور پر اندرون سندھ سے تبادلۂ اور ترقی پانے والے پولیس والے ) کس قانون کے تحت ہوئی ہے -

- پی  پی  پی  کے  دور میں پولیس میں بھرتی ہونے والے کتنے افراد کا ماضی داغدار ہے -

- اٹھارہ افراد کے رہا کرانے کے دعوے میں کون کون لوگ شامل تھے اور کن لوگوں کے قبضے سے ان کو رہا 

  کرایا  گیا  وںیز کن لوگوں سے بات کی گئی- ماضی میں بھی اسی قسم کے واقعات ھوئے مگر صحافیوں نے ان کی 

  کوئی تحقیقات نہیں کیں اور نہ ہی پس پردہ معاملات کی کھوج لگانے کی کوشش کی -

- چکرہ گوٹھ حادثے کے معاملے میں صحافیوں نے دونوں بنیادی معاملات یعنی "سادہ لباس میں اندرون سندھ سے 

  اسلحہ بردار پولیس وہاں کیا کرنے جا رہی تھی " اور  " پولیس پر حملے کے الزام میں گرفتار شدگان ایک اخباری 

  خبر کے مطابق غیر متعلق افراد ہیں " کے بارے میں اپنی ذمے داریاں کیوں نہیں پوری کیں -

  شیر شاہ قتل عام کے ذمے داروں کو کس کی پشت پناہی حاصل ہے اور قاتلین کو پہچاننے پر لواحقین کو نیست نابود 

  کرنے کی دھمکیاں کس نے دیں-

- منی بس سات سواریوں سمیت جلانے کے رنگے ہاتھوں پکڑے جانے والے مجرموں کی ایک سیاسی پارٹی کی

 رکنیت معلوم ہونے کے بعد بھی اس پارٹی کے ذمے داروں سے میڈیا والوں نے کوئی پوچھ گچھ کیوں نہیں کی - 

- کٹی پہاڑی اور دیگر علاقوں میں پولیس اور رینجرز کی  کئی دنوں تک عدم مداخلت کس کے حکم سے ہوئی -

کیا ان تمام معاملات میں میڈیا کی  پیشہ ورانہ  ذمے  داری نہیں تھی کہ وہ صاحبان اقتدار اور ذمے داران

 سے اس کے مکمل حقائق حاصل کرکے قوم کو آگاہ کرے - 

اس بار ہی نہیں بلکہ ہمیشہ سے ہی یہ شکایت کراچی کے عوام کو خاص طور پر ہے کہ میڈیا تمام عوامی مسائل

 کو ایک مخصوص نظریہ کے تحت ہی پیش کرتی ہے - جس سے کراچی کے مسائل کی جڑ سامنے نہیں آنے پاتی 

اور ہر کالم نویس ،اینکر وغیرہ اس معاملے کو گنجلک معاملہ بناکر پیش کرتے رہتے  ہے- متحدہ کے خلاف جس 

طرح ہر دور میں الزام تراشیاں ہوتی رہیں اور ان الزام تراشیوں کوجس طرح  میڈیا بھر پور طریقے سے اچھالتی

 رہی ہے اس سے تو میڈیا کا اصل چہرہ پوری طرح سامنے آچکا ہے - میڈیا کے لوگ جس طرح دانستہ یا ںا دانستہ

غیر جمہوری قوتوں کے ایجنڈے کو فروغ دے رہے ہیں اس سے پاک وطن کو سواے بربادی کے کچھ اور حاصل نہ 

ہوگا - کراچی میں مسترد شدہ سیاسی پارٹیاں ، وڈیرہ شاہی کے شہروں پر بھی تسلط کے خواہشمند ،سرکاری سرپرستی 

میں پھلنے پھولنے والی زمین ،منشیات ، اسلحہ اور دیگر مافیا کے بارے میں سرسری طور پر تو لکھا جاتا ہے مگر 

سنجیدہ طور پر کوئی ان مسائل کی حقیقت اور اس کے ذمے داروں کے خلاف لکھنے کی یا تو ہمت نہیں کرتا یا خود 

اسکا حصہ ہوتا ہے - کراچی کے باسی اور انکی منتخب کردہ جماعت کی یہ خواہش کہ کراچی کے معاملات جمہوری 

طور پر چلا ئے جائیں تاکہ لوگ سرکاری اور پرائی زمینوں پر ناجائز قبضہ ،بھتہ خوری ، اسلحہ اور منشیات کی تجارت 

سرکاری سرپرستی میں نہ کرسکیں ادھر سرکاری سرپرستی والی مافیا اور وڈیرہ شاہی سیاستدانوں کی مرضی یہ ہے

کہ معاملات صرف اور صرف انکی جنبش ابرو کے محتاج ہوں - تاکہ سیاسی اور سرکاری معاملات کے ساتھ ساتھ قبضہ

اور دیگر مافیاؤں کے اشتراک سے انکے لئے مال دولت اور طاقت بٹورنے کی لا محدود آسانیاں ہوں - یہی کراچی کا 

اصل مسئلہ ہے جو میڈیا پورے طور پر پیش نہیں کرتا - 

مصطفیٰ کمال کے اٹھارہ افراد کی رہائی کے سوال پر جس طرح عبد المالک ادھر ادھر کی باتیں کرتے رہے وہ ثبوت ہے 

اس بات کا کہ جیسا میں نے ان سطور میں اوپر تحریر کیا ہے کہ میڈیا وہ کام نہیں کرتی جو اسکو سب پہلے کرنا چاہیے

اور  شکایات کے جواب میں " آپ ہمیں بتائیںگے کہ ہمیں کیا کرنا ہے ؟" یا  " بش والی بات کہ یا تم ہمارے ساتھ ہو یا ہمارے 

خلاف  ہو "..............یہ ساری غیر متعلقہ باتیں تھیں جبکہ اصل بات کا جواب بڑی صفائی سے گول کر گئے -

کیا یہ سارے معاملات اس ذہنیت کے عکا س نہیں کہ میڈیا کسی خاص ایجنڈے کے تحت کام کرتی ہے -    

محمد اسلم شہاب 

QANOON SAZI YA QANOON KA NIFAZ????

قانون سازی سے زیادہ قانون کی عملداری کی ضرورت ہے - جس طرح آئین اور قانون کی دھجیاں بکھیری

 جا رہی ہیں وہ دنیا میں واحد مثال ہے - موجودہ سپریم کورٹ بھی کچھ لیپا پوتی کے سوا کچھ نہیں کر پا ئے

 گی - بلکہ شاید چینی کی قیمت کے معاملے کی طرح قوم کومزید کچھ بھگتنا پڑے گا- سپریم کورٹ نے چینی کی

 قیمت 42  روپے فی کلو متعین کی تھی مگر پاورمافیا نے قوم کو جتا دیا کہ کس کا سکہ چلتا ہے - 

 

BE ZAMEERI!!!!!!!!!!!

ذوالفقار مرزا نے اپنے آقاؤں کے دیۓ  گئے پہلے ایجنڈے میں بری طرح فیل اور پوری طرح ایکسپوز ہونے کے بعد 

دوسرے ایجنڈے پر برق رفتاری سے کام جاری رکھا ہوا ہے - انکے آقاؤں کا پلان اے فیل ہونے کے بعد اب پلان بی پر 

کام چل رہا ہے - اگر ہماری میڈیا ذوالفقار مرزا جیسے لوگوں کے پیچھے اندھا دھند چل پڑے تو کیا یہ قومی المیہ نہیں ہے ؟

مرزا کون ہے ؟ اس کا ماضی کیا ہے ؟ پیپلز پارٹی میں اسکا اصل کام  کیا ہے ؟ اسکو وزیر داخلہ کیوں بنایا گیا تھا اور

وہ دراصل " ڈی فیکٹو وزیراعلیٰ " کے طور پر کیوں کام کر رہا تھا ؟  اور ٨٠% فیصد وزیر ا علیٰ کے اصل مقاصد کیا تھے ؟

اس نے لاکھوں کی تعداد میں اپنے لوگوں میں اسلحہ اور اسکے لائسنس کیوں تقسیم کئے ہیں ؟ واجد دررانی کو آئی جی کیوں

 لگایا گیا ہے ؟ اور سینکڑوں جونئیر پولیس افسروں کو دیہی سندھ سے لاکر کراچی میں سینئر پوزیشنز پر کیوں لگایا ہے ؟

پولیس میں ہونے والی بھرتی میں ہزاروں کی تعداد  سارے اپنے بندے کیوں لگوائے  ہیں جن میں اکثریت کرمنلز کی ہے ؟ 

کراچی شہر کی قبضہ، ڈرگ ،پولیس مافیاؤں اور اے این پی کے کرمنلز گینگز کے ساتھ مل کر شہر پر قبضے کا پلان کس 

 کس کا ہے جس کے نتیجے میں ہزاروں جانیں جا چکی ہیں ؟ شیر شاہ مارکیٹ میں ہونے والے قتل عام کے ذمے داروں کو 

پروٹیکشن کس نے فراہم کی ؟ اور کس نے قاتلوں کو پہچاننے والوں کو دھمکیاں دیکر انکا منہ بند کردیا ؟ اور کس نے پاکستان 

توڑنے کا کھلا نعرہ لگایا تھا ؟ کوئی بھی سمجھ دار انسان اسکے ہذیان پر یقین نہیں کرسکتا .. 

اگر ہماری کرپٹ میڈیا مرزا کو اپنی آنکھ کا تارا بناکر اسکی عذر گناہ والی الزام تراشیوں پر

آنکھیں بند کرکے چل پڑے گی تو اس سے بڑاقومی المیہ اور کوئی نہ ہوگا -

چہ خوب ! الطاف حسین پاکستان توڑنے کی بات کریں گے ؟؟؟؟؟؟؟؟؟؟؟؟ اور وہ بھی مرزا 

جیسے بندے سے جسکے ماضی حال اور اسکی اصلیت سے سب ہی واقف ہیں ؟؟؟؟؟؟؟؟؟

اسکے علاوہ مرزا کے دعوے کے مطابق اس نے جن جن لوگوں سے  اسنے یہ باتیں بتائی 

ہیں کیا وہ سب بھی بشمول پی پی پی (صدر سمیت) ،آئی ایس آئی اور فوج سب ہی اس سازش 

میں شامل ہیں؟ورنہ کوئی ایکشن کیوں نہیں لیا گیا ؟؟؟؟ آخر یہ بے ضمیری کب تک ؟؟؟؟؟؟

                                بے  ضمیری 

صحافت کی اگرتاریخ لکھی جائے گی      خود صحافت دیکھتی رہ جائے گی 

اپنا    چہرہ آئینے میں    دیکھ    کر        شرم سے گردن جھکی رہ جائے گی 

بیچ   ڈالی   ہیں قلم   کی    حرمتیں         مارکیٹ میں  کتنی  مندی آ ئے   گی 

بے ضمیری کا سفر   جاری رہے          اچھی قیمت بھی کبھی لگ جائے گی 

ناچتی   ہے برہنہ  " اوطاق "  میں           کتنی پستی میں صحافت   جائے گی 

ریڈیو  ٹی وی  ہو   یا  اخبار   ہو            فاتحہ  سب  کی پڑھائی    جائے گی 

                                                      محمد اسلم شہاب 

   

از خود نوٹس کے بعد پہلا قدم کیا ہو ؟؟؟

از خود نوٹس کے بعد  پہلا قدم کیا ہو ؟؟؟

خدا خدا کرکے سینکڑوں لاشیں گرنے کے بعد آخر کار سپریم  کورٹ نے از خود  نوٹس لے ہی لیا ---------دیکھئے اب کیا کاروائی اور کس طرح ہوتی ہے -

امید کی جاتی ہے کہ شاید اس بار معاملات کی سنگینی  دیکھتے ہوے ہر پہلو کی مکمل تحقیقات فوجی اور سول انٹیلی جنس میں موجود گنتی کے چند ایماندار افراد 

کو منتخب کرکے ہی  کروائی  جائے گی - 

گو کہ ان سارے فسادات کے پیچھے کارفرما سازش کے ماسٹر مائنڈز کے بارے میں کوئی شبہ نہیں رہ گیا ہے مزید یہ کہ کچھ حقائق کی ایماندارانہ چھان بین  سے 

سرکاری ، سیاسی ، جمہوری (نام نہاد)،مذہبی ،لسانی ،فوجی ،پولیس اور جاسوسی اداروں  کی نقاب بھی اتر سکتی ہے جس سے ان تمام ذمہ داروں اور قاتلوں کے 

پشت پناہوں کی اصل صراط سامنے آ سکتی ہے -مثالکے طور پر :  

١. کٹی پہاڑی ، قصبہ اور دیگر فساد زادہ علاقوں میں پولیس اور رینجرز  کی مجودگی کے باوجود کئی دن تک انکے حرکت میں نہ آنے کا ذمہ دار کون ہے ---

٢.اسکے علاوہ بھی شہر کے جن جن علاقوں میں دہشت گردوں کی کاروائیوں کے دوران پولیس بار بار بلانے پر بھی نہ آنے کی اصل  وجوہات کیا ہیں ------

٣. کراچی پولیس میں موجود چند با ضمیر سینئر اور جونئیرپولیس افسران کو اعتما د میں لیکر تحفظ کی یقین دہانی کرتے ہوے ان سے پولیس اور فسادیوں کے 

گٹھ جوڑ وں کے  اصل حقائق  سامنے لا ئے  جائیں  -------

٤.اندرون سندھ سے سینکڑوں بلکہ ہزاروں سینئر اور جونئیر پولیس افسران کے کراچی تبادلے کے پیچھے اصل حقائق کو سامنے لیا جائے ------

٥. کراچی پولیس میں گزشتہ چار سالوں میں ہونے والی بھرتیوں میں ریکارڈ یافتہ مجرموں کی بھرتیوں کی مکمل تحقیقات کی جانی چاہیے اور اس سسلے میں 

میڈیا کے ذریعے عوام سے  اپیل بھی کی جائے کہ اگر انکو کسی بھی پولیس والے کے مجرمانہ ماضی یا  حال کے بارے میں معلومات ہوں تو وہ عدالت کو آگاہ 

کریں -ان کے نام خفیہ رکھنے کی یقین دہانی کے ساتھ ------

٦. چکرہ گوٹھ میں پولیس کی جس وین پر حملہ ہوا اس میں سوار پولیس  والے سادے کپڑوں اور پرائویٹ ویں میں مسلح  ہوکر کہاں جا رہے تھے اور

 انکا اصل ایجنڈہ  کیا تھا----------

٧ . سا بق  اور(خاص طور پر )  موجودہ آئ جی سندھ کی  تعیناتی کے پیچھے کارفرما طاقت اور انکی تعیناتی کے عرصے میں ان کی کارکردگی کی مکمل جانچ 

پڑتال   بھی ضروری ہے ----------سابق دی جی ایف آئ اے  وسیم احمد کے بارے میں بھی مکمل تحقیقات کی جائیں -----------

٨. لیاری گینگ وار اور اسکے بدنام زمانہ کرداروں  رحمان ڈکیت، اکرم بلوچ،بابا لاڈلہ ، ظفر بلوچ  اور انکے کے گئے قتل و غارت گری کے کارناموں  کی مکمل 

اور غیر جانب دارانہ تحقیقات کرائی جائیں ---------- مزید یہ کہ ذوالفقار مرزا سے ان دہشت گردوں کے تعلق کی مکمل تحقیقات ---------

٩. کچھ ماہ قبل شیر شاہ مارکیٹ میں ہونے والے قتل عام کے ذمہ داروں کی گرفتاری اور رہائی کی اصل کہانی  ونیز مرنے والوں کے لواحقین اور عینی شاہدوں کو 

مجرموں کو پہچاننے اور نشاندہی کرنے کی صورت میں موت کی دھمکی وغیرہ کے معاملات کی بے لاگ تحقیقات کرائی  جائیں --------

میرے خیال میں  تو صرف ان چند معاملات کی غیرجانبدارانہ تحقیقات سے ہی سارا کچا چٹھا سامنے آ جائے گا اور ہمارے بہت سے مسائل حال ہو جائیں گے -

مگر سوال یہ ہے کہ یہ کام کرے گا کون ............یعنی بلی کے گلے میں گھنٹی بندھے کا کون ؟؟؟؟؟؟؟؟؟؟؟؟؟؟؟؟ 

محمد اسلم شہاب 

شارجہ -متحدہ عرب امارت 

       

KARACHI VIOLENCE

Apparently,despite being late, the move by Supreme Court to not only take 'suo moto' notice of Karachi

situation but to sit the bench in Karachi itself is a right step toward finding the evil of Pakistani society (refer to the input by AFP & Rehan Siddiqi KT 30th August). Let hope and pray that this time the Supreme Court take the matter to its just and logical conclusion, because all other cases where the SC has taken suo moto notice have been lingering on for a long time and no end in near future.

The matter under review of the SC is the most important as compared to  all other cases, hence SC must deliver justice to people of Pakistan in general and people of Karachi in particular, and not only Karachi's but Pakistan's future depend on it. In this regard SC must take notice and determine the real culprits behind that. In this connection the sitting government should be made fully responsible as they are the ones who were given this responsibility by the people. They were supposed to maintain law and order in the province as well in the city of Karachi. It is their job to  protect the people from the criminal gangs operating in the city. They have not only  miserably failed in their responsibilities but apparently had colluded with the criminals and provided all support to them to terrorize the city and hold the hole city hostage. To unearth the truth behind the whole situation the SC must take into account and find the answers to the burning questions which could help the bench to pin point the people responsible for the death of of  thousands of people over a period of time. Some of the burning questions are as under:

A. At whose office the named  killers of Sher Shah Market massacre were handed over to police, who were

    upto that time were unable to arrest them despite all the hue and cry of all the sections of the society.

    The killers in the meantime were not only roaming around freely but threatening the dire consequences 

    to the grieved parties. And who has threatened the friends/families and the eye witnesses if they speak

    the truth and pursue to cases any further.

 B. Why police did not take any timely action to save the lives of people of Kati Pahari, Qasbah Colony and 

     other areas where the killing continued despite their presence. Who had ordered them not to take any 

     action and just watch the happenings. Why Police has not responded to the desperate calls from many

     area when they were under attack.In some areas they had even provided cover to attackers.

C.  Chakra Goth incident also needs thorough investigation as to what was the actual mission of the well

     armed  plain clothed Policemen (specially brought from" interior Sind ") and also how some  people killed 

     and arrested as the attackers of the police van, whereas one reporter claimed that they were just sitting 

     outside and had nothing to do with any crime.

D. SC should also get the Liyari gangs thoroughly investigated,and especially the two gangs headed by the 

    Zafar Baloch and Akram Baloch and the killing spree between them, and also killing of Kachchi people by 

    these gangs.

E. And the last but not least the SC must get to the facts behind the appointments of the previous and the 

    current Sind IG Police and also misdeeds of the Ex-DG FIA Waseem Ahmad during his tenure and 

    reasons behind his  continuous affiliation with Sind government.

I am confident that that if these points are thoroughly investigated, the SC would definitely know the truth 

and people responsible for these atrocities going on for years.   

                 

کراچی کا مسئلہ اور آدھا سچ

کراچی کا مسئلہ اور آدھا سچ 

کراچی کا مسئلہ حکومت، میڈیا ،سیاستدان ،جی ایچ کیو وغیرہ کچھ ایسے پیش کرتے ہیں جیسے یہ کوئی بہت

 پیچیدہ ،گنجلک ،گھمبیر اور حل نہ ہونے والا مسئلہ ہے جبکہ حقیقت یہ ہے کہ یہ مسئلہ بہت ہی آسانی سے 

اسلامی ،جمہوری اور قانونی طور پر سمجھا  اور حل کیا جاسکتا ہے -صحافی حضرات پرنٹ اور الکٹرونک پر

 یہ مسئلہ کسی نہ کسی ایجنڈے کے تحت پیش کرتے ہیں - یہ انکی روٹی روزی ہے اور وہ بھی معاشرے

 کے دیگر طبقات کی طرح اتنے ہی بھٹکے ہو ئے ہیں بلکہ شاید باقی طبقوں سے زیادہ-

بگڑے ہوے طبقوں میں سب ہی شامل ہیں مثال کے طور پر :

جرنیلوں کا طبقہ :  ملک کی تمام تر خرابیوں کا سب سے برا ذمہ دار یہی طبقہ ہے جو آج بھی "حقیقی  حکمران "

 ہیں - 1954 سے جنرل اسکندر مرزا سے لیکرآج تک جنرلز ہی اس ملک پر قابض ہیں - درمیان میں ایک ایسا

 وقت بھی آیا تھا جب قوم ان فوجی حکمرانوں سے ہمیشہ کے لئے چھٹکارا حاصل کرکے مکمل سول حکومت

 کی مستقل بحالی کی طرف جا سکتی تھی - وہ وقت مشرقی پاکستان کے بنگلہ دیش بننے کا وقت تھا مگر افسوس

 کہ نام نہاد جمہوریت کے نام نہاد داعی ذوالفقار علی بھٹو نے شہنشاہ پاکتسان بننے کے چکر میں ان جنرلوں کو

 پھر سے اپنے اوپر سوار کرلیا اور پھر دنیا نے بدنیتی کا نتیجہ بھی دیکھ لیا -علاوہ ازیں جب کبھی جنرلز یہ

 دیکھتے ہیں کہ اب پوری قوم انکے خلاف اٹھ کھڑی ہونے والی ہے تو یہ Tactical Retreat کر تے

 ہوے خود کو کچھ عرصے کے لئے پیچھے کرکے اپنے پالے پوسے ہوے جاگیرداروں ،وڈیروں،سرداروں اور

 خانوں کو انہی افراد پر مشتمل سیاسی پارٹیوں کی شکل میں آگے کردیتے ہیں -جنہیں صرف مخصوص دائرہ عمل

 دیا جاتا ہے اور  اصل طاقت جنرلز کے ہاتھ میں ہی رہتی ہے -اسکے ساتھ ساتھ حالات اس طرح سے خراب کرتے

 رہتے ہیں کہ  قوم یہ سوچنے پر مجبور ہو جائے کہ اس نام نہاد جمہوری حکومت سے تو فوجی دور ہی بہتر تھا -

سیاستدانوں کی مافیا : یہ مافیا جنرلوں کی چھتر چھایا پھولی پھلی ہے اور دن بہ دن مزید طاقت ور ہو رہی ہے -

 دیہی آبادی کو اپنے "قبضہ قدرت "میں ٦٥  سال تک رکھ کرملک کے تمام تر وسا ئل  پر قبضے میں جنرلوں کے

برابر کے شریک ہیں - ان کے حوصلے اتنے بڑھ چکے ہیں کے یہ اب تمام شہروں کو بھی اپنے "وڈیرہ شاہی"

 کے خوفناک  چنگل میں جکڑنا چاہتے ہیں- 

عدالتیں : جسٹس محمد منیر سے لیکر جسٹس عبدلحمید ڈو گر اور اس کے بعد بھی یعنی آج تک انصاف کی

 "Dogarisation" ہی نظر آئی ہے - انصاف ہوتا کہیں نظر نہیں آتا موجودہ سپریم کورٹ بھی پی پی پی حکومت

 کے ساتھ نورا کشتی کھل رہی ہے -یہ سب عوام کو بیوقوف بنانے کیلئے ہو رہا ہے - اور اس کھیل میں مزید

 سال ڈیڑھ سال لگے گا تاکہ پی پی پی کی حکومت اپنی میعاد پوری کرلے اور پوری طرح سے ملک کو

 لوٹ لے -گنتی کے چار پانچ کیسز لیکر عوام کو بہلایا جا رہا ہے -سپریم کورٹ کے پاس انتہائی اہمیت  کے

 حا مل  نہ جانے کتنے کیسز جانے کب سے پرے سڑ رہے ہیں انکا نمبر کبھی نہیں آ ئیگا -

قانون "نافذ" کرنے والے ادارے :  یہ تمام کے تمام صرف اور صرف اپنے فوجی ،حکومتی ،اور سیاسی

 آقاؤں کے دئیے گئے ایجنڈے پر کام کرتے ہیں -قانون کے نفاذ سے انکا کوئی لینا دینا نہیں ہے -یہ صرف

 اور صرف فوجی،سیاسی،اور جرائم کی مافیا کے لوگوں کی دامے درمے قدمے سخنے مدد فراہم کرتے ہیں -

بیو رو کریسی مافیا : یہ بھی اپنے اپنے دائروں میں شاہ سے زیادہ شاہ کے وفادار ہونے کا عملی ثبوت

 دیتے رہتے ہیں - عہد  حاضرمیں  سپریم کورٹ میں چلنے والے کیسز سے متعلق بیو رو کریسی کی

 بد معا شیاں ایک دنیا کو معلوم ہیں -

صحافت : صحافت بھی اپنے مخصوص آگندے کے تحت کام کر رہی ہے -میڈیا مالکان سے لیکر عامل

 صحافی تک اپنے اپنے ذاتی   مالی اور نظریاتی فوائد  کے ایجنڈے  پر کام کر رہے ہیں 

       بڑی قربانیاں مانگے ہے چھوٹی سی یہ آزادی          قلم آزاد  ہونے تک ہزاروں سر قلم ہونگے       

 جس طرح ہمارے  معاشرے میں کبھی طب اور تعلیم کے  شعبے خدمت خلق کے تصور ہوتے تھے

 مگر آج یہ انتہائی کامیاب تجارتی شعبے بن چکے ہیں اسی طرح صحافت بھی کبھی ایک مشن ہوا کرتی تھی

 مگر اب شہرت و دولت کمانے کا آسان نسخہ بن چکی ہے - پورے ملک میں صحافت کومشن سمجھنے

 والے صحافی شاید انگلیوں پر گنے جائیں تب بھی کم پڑ جائیںگے-

اب آتے ہیں اصل مسئلے کی طرف کہ کراچی کا اصل مسئلہ کیا ہے :

کراچی کا پہلا مسئلہ: اسکی آبادی کا صحیح تخمینہ - سوا دو کروڑ آبادی  والے شہر کی اسمبلیوں

 میں نمائندگی اسی آبادی کے تناسب سے ہونی چاہیے -

کراچی کا دوسرا مسئلہ :  ساڑھے تین کروڑ سے زیادہ بوگس ووٹ کا معاملہ اس وقت بھی ملک

 میں زیر بحث ہے -ان بوگس ووٹوں سے جہاں ملک کے دیگر علاقوں میں جاگیرداروں ،سرداروں    

اور خانوں کو مستقل اکثریت میں رہنے کا فائدہ ہوتا ہے اسی طرح سندھ میں بھی یہ ایک طرف تو 

دیہی علاقوں میں وڈیرہ شاہی برقرار رکھتے ہیں دوسری طرف شہری آبادی کو بھی اس کا جائز 

حصہ نہیں لینے دیتے - حقیقت یہ ہے کہ اس وقت سندھ کی شہری آبادی اگر سندھ کی دیہی آبادی 

سے زیادہ نہیں تو کم بھی نہیں ہے مگر وڈیرہ شاہی نے سندھ شہری کی آبادی اپنے مذموم مقاصد 

کے لئے کم ہی دکھانی ہے -وڈیرہ،جاگیردار ،خوانین اور سردار چونکہ ملک کے اصل مالکان 

یعنی جنرلز کا داہنا ہاتھ ہیں اس لئے اس معاملے میں کبھی کوئی پیش رفت نہیں ہو سکتی - 

کراچی کا تیسرا مسئلہ :  ساری دنیا کے مہذب معاشروں میں عام  سرکاری ملازمتوں سے لیکر 

علیٰ افسران کی بھی اکثریت مقامی افراد پر مشتمل ہوتی ہے مگر کراچی شاید دنیا کا واحد شہر 

ہے جس پر مقامی افراد کے علاوہ ہر شخص کا پہلا حق بنا دیا گیا ہے اور مقامی افراد کےنصیب  

 میں وڈیروں کے دستر خوان کی بچی ہوئی ہڈیاں ہی آتی ہیں - 60 /40  کا سمجھوتہ بھی نہ جانے 

کب سے مدفون ہے - جب سے کراچی کے حقوق سے محروم طبقات نے  باقاعدہ جمہوری 

اصولوں پر چلتے ھوئے ایک سیاسی جماعت کو اپنے حقوق کا امین اورعلمبردار بنایا اس وقت سے 

پاکستان  کے وسائل پر غاصبانہ قابض طبقات نے نے نہ صرف اس سیاسی پڑتی بلکہ کراچی کے عوام 

کو اپنے غیض و غضب کا نشانہ بنایا اورانکو نیست و نابود کرنے کیلئے  ہر ظلم روا رکھا گیا -

کراچی کا چوتھا مسئلہ : کراچی کی سوا دو کروڑ آبادی کے لئے جو حکومتی وسائل قومی و صوبائی 

بجٹ میں فراہم کے جاتے ہیں وہ شاید نوے لاکھ کی سرکاری آبادی کے حساب سے ہوتے ہیں -جسکی 

وجہ سے کراچی کے پانی، بجلی،سڑکیں اور دیگر بلدیاتی مسائل روز بروز بڑھ رہے ہیں -وہ دن دور 

نہیں جب کراچی شہر ٹھپ ہو کر رہ جائے گا -

کراچی کا پانچواں مسئلہ : کراچی ملک کے دیگر حصوں سے آنے والوں کے لئے صرف "جھل کراچی 

مچھ کما ئیا ں" کی تفسیر بنا ہوا ہے - جو لوگ یہاں آتے ہیں وہ اسکو دبئی وغیرہ سمجھتے ہیں اور اس  

سے اپنا صرف حق وصول کرتے ہیں اور اپنا فرض بھول جاتے ہیں -

کراچی کا چھٹا مسئلہ: کراچی کی ساٹھ فیصد سے زیادہ زمین پر یا تو فوج کا براہ راست یا باالواسطہ

قبضہ ہے یا مرکزی حکومت کسی نہ کسی شکل میں میں اس پر قابض ہے - فوج نے جس طرح سارے

بڑے بڑے شہروں میں چھا ونی کے نام پراچھی سے اچھی  بڑی بڑی زمینیں حاصل کرکے اس پر

 خالص تجارتی طورپر ڈیفنس سو سائٹی  ،عسکری کمپلیکس وغیرہ  کے نام پر ملک کے سب سے 

بڑے رئیل اسٹیٹ ڈیولپر بن گئے ہیں -کراچی میں ان کا قبضہ سب سے زیادہ ہے -

کراچی کا ساتواں مسئلہ : وڈیرے اور جاگیردار یوں توپورے  ملک پر " سیکنڈ ان کماند"  کے طور

قابض ہیں مگر سندھ میں ان وڈیروں کی کراچی پرنظر خاص ہے کہ یہ تو ویسے بھی  :

   بے سائباں ہے شہر یہ میرا یتیم ہے      انبار مسئلوں  کا جبھی تو عظیم ہے 

ملک کی دونوں بڑی پارٹیاں انہی وڈیروں اور جاگیرداروں پر مشتمل  ہیں اور کراچی جیسے شہر 

کودیہی سندھ کی طرح  وڈیرہ شاہی کے تحت لانا انکی ان کی سب سے بڑی ترجیح ہے - نام نہاد 

جمہوریت کے نام پر کام کرنے والی یہ پی پی پی وڈیرہ شاہی کو کراچی پر پوری طرح مسلط کرنا 

چاہتی ہے اور اس کے لئے وہ کسی حد تک بھی جا سکتی ہے کہ یہ اسکی بقا کا معاملہ ہے - جنرلز 

کی یہ دونوں بی ٹیم سیاسی قبضہ گروپ وقتاً فوقتاً کراچی میں اپنی چنگیزیت کا مظاہرہ کرتی رہتی ہیں 

گزشتہ دوعشروں سے کچھ زیادہ عرصے  میں کراچی کے بسوں کا جتنا خون بہایا گیا ہے وہ سب

 کو معلوم ہے- پچیس ہزار سے زیادہ کا خون ناحق کس نے اور کیوں بہایا اور کسی کو بھی سزا نہیں 

ملی -موجودہ حکومت کے دور میں  ہی ہزاروں کراچی کے باسیوں کرے مکوڑوں کی طرح مارا گیا

اور کوئی ان کی داد رسی کرنے والا نہیں -سپریم کورٹ نے از خود نوٹس لیا ہے مگر گزشتہ تجربات 

اور سالہا ل سے سپریم کورٹ میں سڑ رہے کراچی سے متعلق بہت سارے کیسزکا حشر دیکھتےھوئے 

انصاف ملنے کی امید موہوم ہے -

کراچی کا آٹھواں مسئلہ : کراچی کا آٹھواں مسئلہ یہاں بہنے والا خون ہے جو پانی سے بھی کہیں زیادہ

ارزاں جس کے بہنے پر کی کے کن پر جوں بھی نہیں رینگتی -شاید اس وجہ سے کہ ممکنہ طور پر 

انصاف کرنے والا انتہائی طاقت ور طبقہ ہی خون بہانے والوں کی پشت پناہی کرتا ہے -----------

 بے مثل کارکردگی دکھلائی آپ نے      مقتل بنا دییے ہیں ہر اک گھر کے سامنے  

                                   -----------------------------

پھر ایکبار یہاں کربلا سجائی ہے          لہو کے پھول بکھیرے ہیں پھر یزیدوں نے 

                             ----------------------- 

کربلا ہے حسین ہے اور لشکر یزید       تاریخ چاہتی ہے ہمارا لہو مزید 

کراچی کے مسائل کی ذیل میں اور بھی بہت کچھ لکھا جاسکتا ہے مگر فی الوقت 

اتنا ہی کافی ہے - ان تمام مسائل کا آسان ترین حل صرف اور صرف جمہوری اقدار 

کی سختی سے پابندی میں مضمر ہے - شرطیہ ہے کہ یہ جمہوریت پی پی پی کی جیالی

 جمہوریت ،مسلم لیگ نواز کی نرالی جمہوریت ، پرویز مشرف کی وبالی جمہوریت ،

 ذوالفقار علی بھٹو کی خیالی جمہوریت ،  نہ ہو بلکہ حقیقی جمہوریت ہو جسمیں ہر فرد    

کہ حقوق کی ضمانت دی جائے اور لوگوں کے مسایل مقامی سطح پر حل کرنے کا

بندو بست بھی کیا جائے یعنی جمہوریت کے ثمرات  کو گلی محلوں بستیوں وغیرہ تک

پہنچایا جائے جیسا کہ دنیا کے ہر مہذب معاشرے میں ہوتا ہے- عوامی معاملات صرف 

اسلام آباد ،لاہور ،کراچی ،پشاور اور کوئٹہ میں ہی حل ہونے کا نظام فرسودہ ہو چکا ہے 

اور عوام کو اپنے معاملات خود اپنے ہاتھ میں لئے بغیر کسی بہتری کی امید نہیں ہے -